A terceira edición do Certame Audiovisual de Curtas “Alberto Romero” consolida este certame como unha referencia no sector audiovisual na comunidade dos concellos de Arousa Norte. Este ano, co apoio crecente de 18 ANPAs, Lajareu por Barlovento, a Mancomunidade Arousa Norte e os seus catro concellos, e empresas como Banco Santander, Congalsa, Chicolino, Caixabank, Trazos Arte Estudio e EraDixital, marcou outra exitosa expansión e aceptación donde participaron 41 traballos audiovisuales dos diferentes concellos e tamén de fora da Mancomunidade na categoría libre, culminando ca Gala de entrega de premios no Auditorio da Cachada en Boiro o día 23 de Febreiro do 2019.

Noite de talento artístico e glamur a vivida ese sábado no Auditorio da Cachada en Boiro con motivo da gala de entrega de premios deste terceiro Certame. A cita, na que se busca acercar o mundo audiovisual aos centros educativos e ao público en xeral, foi unha iniciativa nacida cas ANPAs de Ribeira como homenaxe ao traballo e compromiso social de Alberto Romero, falecido de forma repentina no 2015.

A gala, organizada pola Asociación Cultural Alberto Romero, ten carácter rotatorio e itinerante polos 4 concellos da Mancomunidade, e incorpora unha cuarta distinción, ao marxe do ámbito educativo, para persoas de calquer idade, na que de forma libre os profesionais e non-profesionais poden expresar o seu talento e ideas e optar tamén a un dos premios e ao recoñecemento do sector audiovisual. Esta categoría libre foi aberta por primeira vez nesta edición a toda Galicia.

Os premiados desta terceira edición foron:

Categoría de 5º e 6º de Primaria – 1º e 2º de ESO:
          A Cadeira (do C.E.I.P. Ana Mª Diéguez e I.E.S. Félix Muriel de Rianxo)
Categoría de 3º e 4º de ESO – Bacharelato):
         Tormenta Mental (do Colexio da Milagrosa de Oleiros de Ribeira)
Categoría Diversidade Funcional:
          Pedras (de usuarios/as do CAD de A Pobra do Caramiñal)
Categoría Libre:
          4 minutos (de Fernando Yáñez, Nadia Somoza, Zaid Ouchykh de Ribeira)

Cada modalidade recibeu un premio de 300 euros, un certificado, e un trofeo de cristal conmemorando esta data. Os premios foron entregados por cada un dos alcaldes dos catro concellos da Mancomunidade. Durante o acto, presentado por Vanesa Ordóñez e Emilio Palmeira, actuaron José Andrés Mariño, Antonio Bermo, Marga Loureda, Ángela Suárez, Cayetano e Javi Maneiro. Xabi, fillo de Alberto Romero, leeu un poema de seu pai e Loida Fernández amenizou a velada cos seus monicreques. Sara Horta falou tamén do mundo audiovisual.